Аўтамабільныя злодзеі ўскрылі дзясятак машын у Дзяржынску за адну ноч

У Дзяржынску за адну ноч зламыснікі ўскрылі і абакралі каля дзясятка аўтамабіляў. Машыны былі прыпаркаваныя на неахоўных стаянках каля шматкватэрных дамоў, піша uvd-mo.gov.by.

Пацярпелі ўладальнікі аўто, пакінутых у дварах на вуліцах Энгельса, стадыёнах, Алега Кашавога і Дзяржынскага. З "Мерсэдэса" індывідуальнага прадпрымальніка, напрыклад, былі скрадзеныя інструменты на суму 325 рублёў. Агулам жа зламыснікі выносілі з машын усё больш-менш каштоўнае — ад аўтамагнітол да набораў ключоў і пускавых правадоў. 

Міліцыянты паведамляюць, што падазраванымі па справе праходзяць 29-гадовы Л. і 30-гадовы Д. — жыхары Баранавічаў, раней неаднаразова судзімыя за крадзяжы. Праваахоўнікам удалося іх затрымаць. Крадзеную маёмасць у іх забралі.