Аварыя ў Мінску пакінула больш за 3600 кватэраў без святла
Здарэнне адбылося ў другой палове дня 2 лістапада.
Паведамленне пра адсутнасць электраэнэргіі ратавальнікі атрымалі ў 16.29. Па словах спецыялістаў, якія перадае БЕЛТА, праблемы ўзніклі на падстанцыі "Азярышча" на вуліцы Купрэвіча, 4.
Без электрычнасці засталіся 5 шматкватэрных жылых дамоў (577 кватэраў) і 31 прыватны жылы дом у Партызанскім раёне, а таксама 17 шматкватэрных жылых дамоў (3074 кватэры) у Першамайскім раёне.
Аднавіць пастаўку электраэнэргіі ўдалося праз паўтары гадзіны — каля 18-й.
Фота — postoronam.ru