Бацька Віктара Цоя будзе судзіцца за аўтарскія правы на песні свайго сына
![Бацька Віктара Цоя будзе судзіцца за аўтарскія правы на песні свайго сына](/sites/default/files/styles/gallery_main/public/2023-08/677708041.jpg.webp?itok=QHHMPorH)
Бацька Віктара Цоя Роберт Цой будзе судзіцца за аўтарскія правы на песні свайго сына. Ён дамагаецца скасавання дамовы аб іх перадачы кампаніі "Музычнае права". Заява пададзена ў Басманны раённы суд Масквы. Роберт Цой сцвярджае, што кампанія завалодала выключнымі правамі на песні "пад уплывам ашуканства". Слуханні справы прызначаны на 5 красавіка. Летась Басманны суд ужо прызнаў несапраўднай аналагічную дамову, заключаную з "Музычным правам" Аляксандрам Цоем, сынам музыканта, інфармуе ria.ru.
Віктар Цой — лідар папулярнага рок-гурта "Кіно". Ён загінуў у аўтакатастрофе ў 1990 годзе ва ўзросце 28 гадоў.
З-за іска Роберта Цоя арбітраж Масквы прыпыніў разгляд іску кампаніі "Музычнае права" да Першага канала — патрабуецца кампенсацыя за выкарыстанне песні Цоя "Вясна" ў анонсе тэлепраграмы "Што? Дзе? Калі?".