Баранавіцкія міліцыянты прыйшлі на завод з машынкай для дактыласкапіі
Некалькі дзён шчыравалі на Баранавіцкім баваўняным аб’яднанні міліцыянты, збіраючы адбіткі пальцаў у мужчын да 55 гадоў. Агулам на вытворчасці працуе 3 тысячы чалавек. Мужчын выклікалі на працэдуру ў кабінеты да начальнікаў цэхаў і майстроў. “Усе пальцы папэцкалі”, — абураліся адныя. Іншыя наракалі на тое, што цягалі на “адкатку” і мужчын у паважным веку. “На фотаробаце меркаванага злачынцы, які зрабіў выбухі ў Мінску 3 ліпеня летась — даволі малады чалавек. Значыць, прычына збору адбіткаў іншая”, — выказаў думку адзін з рабочых аб’яднання.
