БАЖынкі прайшлі пад знакам фрылансу, этнаграфіі і Памідорава (фота)
Як і летась, спартова-гумарыстычная імпрэза адбылася на хутары Алеся Лася ў Валожынскім раёне.
Гаспадар бавіў гасцей этнамузыкай у выкананні сваёй капэлы (дуда, гармонік, скрыпка і бубен). Таксама журналістаў навучалі народным танцам. Як заўсёды, былі спартовыя ды інтэлектуальныя спаборніцтвы.
Была на фэсце Беларускай асацыяцыі журналістаў і сур’ёзная тэма. Удзельнікі абмеркавалі практыку і тэорыю фрылансу.
Вядучым фэсту быў вядомы музыка Аляксандр Памідораў, які ўначы каля вогнішча зладзіў свой акустычны канцэрт.
У свяце ўзялі ўдзел некалькі дзясяткаў чалавек з рэгіёнаў краіны і Мінска.
