Беларусь адправіла гуманітарную дапамогу Эквадору
![Беларусь адправіла гуманітарную дапамогу Эквадору](/sites/default/files/styles/gallery_main/public/2023-08/samaliot-2905.jpg.webp?itok=VoUXwefp)
Беларускі транспартны самалёт вылятае 29 траўня ў Эквадор. Ён даставіць гуманітарную дапамогу ахвярам магутнага землятрусу які адбыўся 16 красавіка ў прыбярэжных эквадорскіх правінцыях Манабі і Эсмеральдас.
Нагадаем, што ахвярамі стыхіі сталі 600 чалавек, тысячы людзей засталіся без прытулку.
Як паведамляе прэс-служба МНС Беларусі, грузавы самалёт Boeing 747 даставіць у пацярпелы рэгіён Эквадора 50 тон гуманітарнага грузу. Самалёт перавозіць намёты, коўдры, перасоўныя дызельныя электрастанцыі, раскладныя ложкі. Агульны кошт грузу ацэньваецца амаль на 6 мільярдаў рублёў. Ратавальнікі суправаджаюць груз і адказваюць за перадачу яго ўладам Эквадора.
Беларуская дэлегацыя разам з прадстаўнікамі амбасады Беларусі ў Эквадоры плануе наведаць эпіцэнтр катастрофы ў раёне горада Портав'еха.