Беларус Андрэй Шычко атрымаў Гран-пры Міжнароднага конкурсу юных піяністаў

14-гадовы беларус Андрэй Шычко заваяваў Гран-пры VII Міжнароднага конкурсу юных піяністаў "Прыступка да майстэрства". Як інфармуе БЕЛТА, конкурс адбываўся ў Санкт-Пецярбургу.
Андрэй з'яўляецца выхаванцам Рэспубліканскай гімназіі-каледжа пры Беларускай дзяржаўнай акадэміі музыкі.

Конкурс "Прыступка да майстэрства" карыстаецца шырокай вядомасцю ў музычным свеце. З 2000 года ён уваходзіць у Еўрапейскі саюз музычных конкурсаў для юнацтва.