Беларусь накіруе на пахаванне Мандэлы віцэ-спікера Палаты прадстаўнікоў
Віктар Гумінскі ўжо вылецеў у Паўднёва-Афрыканскую рэспубліку, інфармуе БелаПАН. Там ён будзе знаходзіцца да 11 снежня.
Легендарны змагар з рэжымам апартэіду, экс-прэзідэнт Паўднёва-Афрыканскай Рэспублікі Нэльсан Мандэла памёр на 96-м годзе жыцця ў сваім доме ў Ёханэсбургу. Мандэла будзе пахаваны ў роднай вёсцы Куну побач са сваімі дзецьмі.
Паніхіда пройдзе на футбольным стадыёне ў Ёханэсбургу, пасля чаго цела перавязуць у сталіцу краіны Прэторыю для развітання. Чакаецца, што на цырымоніі развітання будуць прысутнічаць кіраўнікі шэрагу дзяржаў, у тым ліку прэзідэнт ЗША Барак Абама, і іншыя вядомыя замежныя палітыкі.
