Беларусы і літоўцы называюць розную колькасць пасажыраў борта, што сеў у Мінску
Беларусы і літоўцы называюць розную колькасць пасажыраў борта Ryanair FR4978, што ляцеў з Афінаў у Вільню, але быў пасаджаны ў Мінску праз пагроўу мініравання. МЗС Літвы паведамляе, што ў самалёце быў 171 пасажыр. Сярод іх грамадзяне як мінімум 18 еўрапейскіх краінаў. А грамадзянаў Беларусі — чацвёра (адзін з іх — затрыманы Раман Пратасевіч).
А прэс-служба Нацыянальнага аэрапорта "Мінск", у сваю чаргу, паведаміла, што на борце самалёта знаходзілася толькі 123 пасажыры. Пасля пасадкі яны былі адведзеныя для дадатковага дагляду ў транзітную зону.
Па стане на 18:30 борт Ryanair FR4978 па-ранейшаму чакае вылета ў Мінску.
