БЕЛТА: пад Мінскам затрыманыя 32 баевікі замежнай прыватнай ваеннай кампаніі

Уначы 29 ліпеня пад Мінскам супрацоўнікі праваахоўных органаў Беларусі затрымалі 32 баевікоў замежнай прыватнай ваеннай кампаніі, перадае БЕЛТА.

Еўрарадыё паспрабавала атрымаць каментар у прэс-службе КДБ, але пакуль што янадля каментароў недаступная. Атрымаць каментары ў прэс-службах іншых сілавых ведамстваў таксама пакуль не ўдаецца.

У каментары Onliner.by прадстаўнік прэс-службы КДБ Андрэй Яраш заявіў: "Пакуль без каментароў". Прадстаўнік Следчага камітэта Сяргей Кабаковіч у гутарцы з парталам TUT.by паведаміў: "Ніякай дадатковай інфармацыі ў нас пакуль няма". 

Паводле цікавага супадзення днямі Аляксандр Лукашэнка акурат згадваў небяспеку ад прыватных ваенных кампаніяў. Падчас паездкі ў дывізію спецназу ў Мар'іну Горку 24 ліпеня кіраўнік дзяржавы казаў: "Дзяржсакратар правільна сказаў, што ўсякія войны цяпер пачынаюцца з вулічных пратэстаў, дэманстрацый, потым майданы. На майдан, калі сваіх няма (у нас замала "майданутых"), іх падцягнуць збоку. Гэта прафесійныя вайскоўцы, бандыты, якія спецыяльна рыхтуюцца, у асноўным у рамках ПВК (прыватныя ваенныя кампаніі. — Заўв.) па ўсім свеце, і зарабляюць вялікія грошы на правакацыях у тых ці іншых дзяржавах".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.