ЕС рыхтуе новыя санкцыі да гадавіны прэзідэнцкіх выбараў у Беларусі
Еўрасаюз рыхтуе новы пакет санкцый / Ілюстрацыйнае фота Reuters
ЕС рыхтуе новыя санкцыі супраць рэжыму Аляксандра Лукашэнкі да 9 жніўня, гадавіны прэзідэнцкіх выбараў 2020-га ў Беларусі. Іх збіраюцца ўвесці ў сувязі з парушэннямі правоў чалавека, якія працягваюцца ў нашай краіне, паведамляе @dw_belarus са спасылкай на свае крыніцы ў Бруселі.
Паводле інфармацыі высокапастаўленага чыноўніка Еўрасаюза, на якога спасылаецца выданне, паралельна ідзе абмеркаванне яшчэ аднаго пакета санкцый, звязанага з саўдзелам Беларусі ў вайсковай агрэсіі Расіі супраць Украіны.
ЕС не прызнаў вынікі прэзідэнцкіх выбараў 2020-га ў Беларусі. На дадзены момант у дачыненні да рэжыму Лукашэнкі ўведзеныя шэсць пакетаў санкцый, апошні быў прыняты каля года таму.
