Брэсцкія казакі стварылі службу ўнутранай бяспекі

Незразумелыя пераўтварэнні пачаліся ў сфармаванай месяц таму Брэсцкай казачай акрузе. Казакі дзеляць пасады і рэсурсы.
Некаторыя адзінкі структуры падзяліліся і сталі самастойнымі, напрыклад, Брэсцкі гарадскі і раённы аддзелы.

Адпаведна павялічылася колькасць атаманаў. А атамана Драгічынскага аддзела, наадварот, выключылі з арганізацыі “за неналежныя паводзіны”.

У дадатак да ўсяго ў Брэсце стварылі службу ўнутранай бяспекі, якую ўзначаліў адстаўны вайсковец.