“Чароўны трус”: Калі пісаў музыку, узгадаў, як чытаў “Алісу ў краіне цудаў

Спявак Юра Дземідовіч, які нарабіў шуму ў паўфінале адбору на дзіцячае "Еўрабачанне", расказаў Еўрарадыё, што перакладаць прыпеў на латыні немагчыма, якую музыку слухае і ў якім стыле яго песенька (Фота+Відэа+Тэкст песні)
Настаўнікі 13-гадовага Юры Дземідовіча, пра якога напісаў увесь Інтэрнет і з чыёй песні ўжо пампуюць рынгтоны, ахоўваюць дзіця ад журналістаў. Але Еўрарадыё знайшло навучэнца гімназіі-каледжа пры Акадэміі музыкі на адным з юнацкіх турніраў па…шахматах.

Еўрарадыё: Наколькі мы разумеем, ты цікавішся не толькі музыкай…
Юра Дземідовіч: “Так, на шахматы хаджу. Зараз вось сяджу турнір гуляю, з вамі размаўляю. Іграю, дарэчы, з трэццеразраднікам”.


Перш-наперш мы пацікавіліся, ці сам Юра напісаў такую арыгінальную песню.

Юра Дземідовіч: “Так, але мне, вядома ж, дапамагалі. Мой кіраўнік мне дапамагаў (Уладзімір Глушакоў, кіраўнік хору з гімназіі-каледжа пры Акадэміі музыкі, — Еўрарадыё)”.

Нумар “Чароўны трус” вельмі падобны да казачных фантазій. І Юра прызнаўся, што напісаць тэкст песні яго натхніла казка “Аліса ў краіне цудаў”.

Юра Дземідовіч: “Я ўзгадаў яе. Люблю прыходзіць дадому і іграць на фартэпіяна. Найграў мелодыю, яна мне спадабалася, я яе паказаў. І адразу думкі: якія могуць быць да яе словы. Вось я чытаў гэтую казку, ўзгадаў, як я чытаў гэтую “Алісу ў краіне цудаў“, і вось…”

Еўрарадыё: Чаму ты напісаў песню менавіта пра труса?
Юра Дземідовіч: “Я не ведаю, мне так спадабалася. Менавіта захацелася, каб было нешта незвычайнае”.


Еўрарадыё: “А што азначаюць дзіўныя словы нібыта на латыні ў прыпеве: “эціс, аціс, анімаціс?”
Юра Дземідовіч: “Анімаціс" можна перакласці як душой. А астатняе — быццам бы трус імправізуе, прыдумвае вершы, там жа было такое — “стихи сочиняет, на скрипке играет”.

Еўрарадыё: А ў якім стылі гэтая твая песня? Мы самі не разабраліся...
Юра Дземідовіч: “У стылі якім? Ха! Як вам сказаць... Там не адзін стыль — і рэп, і класіка, і опера, вы ж самі бачылі”.

Завяршаем размову пра песню і пытаемся ў Юры, на якой жа музыцы ён выхоўваўся.

Юра Дземідовіч: “Вы пра што, пра жанр? Я люблю класіку, вядома ж. Спевакоў я ведаю. Лучана Павароцці там, Дамінга, Карэрас. А з гуртоў нават не ведаю, якія вам назваць”.

На Еўрабачанні Юра балеў за....

Юра Дземідовіч: “За Рыбака. Ён мне спадабаўся, яго песня”.

Еўрарадыё: Ты сам плануеш перамагчы на Еўрабачанні?
Юра Дземідовіч: “Паспрабуем. Паглядзім, як будуць справы ісці ў Беларусі. А там — што далей, тое далей, разумееце мяне?”

Еўрарадыё: Скажы, калі ласка, твае маці і бацька таксама музыкі?
Юра Дземідовіч: “Не. Мама вось бухгалтар па спецыяльнасці, тата па электроніцы…”

Юра Дземідовіч аказаўся вельмі файным і шчырым хлопцам. Жадаем яму творчых перамог.




ВОЛШЕБНЫЙ КРОЛИК

Этис Атис Аниматис
Этис Атис Аматис (2 р)

Где-то там в дремучем лесу
среди пихт голубых и волшебных цветов
Просто живет, просто песни поет
Кто бы вы думали?..
Кто бы вы думали?..
ВОЛШЕБНЫЙ КРОЛИК!
ВОЛШЕБНЫЙ КРОЛИК!

Волшебный кролик
Рисует мелом нолик
Очки надевает
Латынь изучает

Волшебный кролик
Рисует мелом нолик
Латынь изучает
Стихи сочиняет

Волшебный кролик
Рисует мелом нолик
Стихи сочиняет
На скрипке играет

Волшебный кролик
Рисует мелом нолик
На скрипке играет
По маме скучает

Этис Атис Аниматис
Этис Атис Аматис (2 р.)

А-а-а-а-а-а-а-а
А-а-а-а-а-а-а (2 р.)

Этис Атис Аниматис
Этис Атис Аматис (2 р.)

Этис Атис Аниматис
Волшебный кролик!
Этис Атис Аматис
Волшебный кролик!

Этис Атис Аниматис
Этис Атис Аматис
Волшебный кролик!

Рынгтон "Чароўны трус"

Чытайце таксама:

“Чароўнага труса” ахоўваюць ад плётак дарослых (Відэа)