ЦВК адмовіўся даваць Някляеву і Саннікаву дадатковы эфірны час
Цэнтравыбаркам адмовіў кандыдатам у прэзідэнты Уладзіміру Някляеву і Андрэю Саннікаву ў просьбе вылучыць для іх дадатковы час у тэлеэфіры.
Сакратар ЦВК Мікалай Лазавік звярнуў увагу ўдзельнікаў паседжання на тое, што не ўсе кандыдаты ў прэзідэнты скарысталі вылучаны для іх эфірны час. Таксама ён паведаміў, што людзі скардзяцца ў Цэнтрвыбаркам на тое, што Някляеў падчас сваіх зваротаў да выбарцаў распаўсюдзіў у эфіры непраўдзівую інфармацыю.
Гэта, а таксама шэраг іншых аргументаў стала падставай для адмоўнага адказу ЦВК на заяву Някляева і Саннікава.
