Да ўкраінскай мяжы рухаецца вялікая калона ваеннай тэхнікі Расіі (фота)
Адпаведныя фотаздымкі ў нядзелю апублікавала агенцтва Reuters.
У нядзелю, 24 траўня, у бок украінскай мяжы паехала калона з некалькіх дзесяткаў расійскіх ваенных машын. Як перадае ТСН, ваенную тэхніку сфатаграфаваў журналіст агенцтва Reuters каля горада Мацвееў Курган у Растоўскай вобласці.
Праз гэты горад праехалі грузавікі без нумарных знакаў, сістэмы залпавага агню "Ураган" і бронетранспарцёры. Потым яны з'ехалі з дарогі і праз палі накіраваліся ў бок мяжы з Украінай.
Раней паведамлялася, што Расія нарошчвае ваенную прысутнасць каля ўкраінскай мяжы.
Фота — Reuters
