Данецкія тэрарысты з артылерыі абстралялі стадыён “Шахцёра” – “Данбас-Арэну”
Пра гэта паведамляе інфармацыйна-аналітычны цэнтр СНБА.
“У выніку артабстрэлу былі разбураныя дах і сцены ў Данецкам абласным краязнаўчым музеі. Разбураныя жылыя дамы. Таксама з цяжкага ўзбраення абстраляны спартыўны комплекс “Данбас-Арэна”, - гаворыцца ў паведамленні.
Акрамя гэтага з’явілася інфармацыя, што ў Ілавайску снарад тэрарыстаў патрапіў у жылы дом №43 па вуліцы Талбухіна. У выніку гэтага пацярпелі мірныя жыхары дома. Нягледзячы на ўсе абстрэлы, камунальныя службы і грамадскі транспарт спрабуюць працаваць у штатным рэжыме.
