Домрачава збіраецца ўдзельнічаць ва ўсіх этапах Кубка свету
![Домрачава збіраецца ўдзельнічаць ва ўсіх этапах Кубка свету](/sites/default/files/styles/gallery_main/public/2023-08/000028_158185_big.jpg.webp?itok=jnsJL_lX)
Дар'я Домрачава збіраецца ўдзельнічаць ва ўсіх этапах Кубка свету па біятлоне ў бягучым сезоне. Пра гэта славутая беларуская біятланістка, якая нядаўна вярнулася ў вялікі спорт пасля нараджэння дачкі, заявіла ў эфіры праграмы "Арэна" на тэлеканале "Беларусь 1". Як вядома, яна чамусьці прапусціла апошнюю гонку ў Рупольдынгу. Агулам Дар'я прыняла ўдзел ужо ў двух этапах Кубка свету, аднак высокіх вынікаў пакуль не дэманструе.
Домрачава лічыць, што ёй "дастаткова добра ўдаецца змагацца на трасе". Біятланістка спадзяецца, што сілы ў яе застануцца да канца сезона, інфармуе БЕЛТА.
19 студзеня стартуе чарговы, шосты, этап Кубка свету па біятлоне, ён пройдзе ў італьянскім Антхольцы.
![Домрачава збіраецца ўдзельнічаць ва ўсіх этапах Кубка свету](/sites/default/files/paragraphs/image/000028747695big.jpg)
Фота: БЕЛТА