Два рыбакі патанулі на Гомельшчыне, праваліўшыся пад лёд
Трэцяга ўдалося выратаваць.
Надзвычайнае здарэнне адбылося 25 снежня на вадасховішчы ў Ельскім раёне Гомельшчыны. Каля 13.25 ратавальнікі атрымалі паведамленне, што там пад лёд праваліліся тры чалавекі. Калі дапамога прыбыла на месца, то відавочцы паведамілі, што два чалавекі ўжо патанулі, а трэці яшчэ знаходзіцца на паверхні вады.
Высветлілася, што чатыры жыхары Мазыра прыехалі на вадасховішча парыбачыць. Тры з іх пайшлі на сярэдзіну вадаёма, а чацвёрты застаўся на беразе. Падчас рыбалкі тры мужчыны праваліліся пад лёд.
Адзінага ацалелага ратавальнікі змаглі дастаць з вады пры дапамозе ратавальнай дошкі. 58-гадовага мужчыну перадалі медыкам з папярэднім дыягназам "агульнае пераахаладжэнне".
Цела аднаго з патанулых ратавальнікі дасталі яшчэ 25 снежня, другога працягнуць шукаць сёння.
Фота — ozerskadm.ru