Фільм "007: Спектр" устанавіў новы рэкорд збораў у Вялікабрытаніі
Новы фільм пра суперагента Джэймса Бонда "007: Спектр" устанавіў новы рэкорд пракату ў Вялікабрытаніі. За першы тыдзень у кінатэатрах сабралі больш за 80 мільёнаў долараў. Папярэдні рэкорд быў устаноўлены папярэднім фільмам пра Бонда — "007: Каардынаты "Скайфол" — 57 млн долараў.
“Спектр” — 24-ы фільм пра суперагента 007. Па сюжэце Джэймс Бонд (Дэніэл Крэйг) змагаецца з таемнай міжнароднай арганізацыяй. Беларускія гледачы ўбачаць яго 6 лістапада, калі кіно трапіць у сусветны пракат.
