Фільм беларускага рэжысёра перамог на кінафестывалі ў Амстэрдаме
На фестывалі дакументальнага кіно IDFA ў Амстэрдаме найлепшай сярэднеметражнай стужкай прызнаны фільм "Сума" ("Summa") беларускага рэжысёра Андрэя Куцілы, перадае "Белсат".
Узнагароджанне пераможцаў адбылося 21 лістапада. Паказ на фестывалі стаў для фільма сусветнай прэм’ерай. Андрэй Куціла спадзяецца, што неўзабаве зможа паказаць стужку і ў Беларусі.
"Сума" распавядае пра сяброўства паміж пажылым польскім мастаком Анджэем Струмілам і маладой беларускай мастачкай Марыяй.
