ФПБ стварыла ў беларускім "МакДональдсе" прафсаюзную ячэйку з сямі чалавек
"МакДональдс" у Мінску / Еўрарадыё
27 верасня ў Маскоўскім раёне Мінска зарэгістравалі першасную прафсаюзную арганізацыю беларускага аддзялення "МакДональдс", паведамляе Федэрацыя прафсаюзаў Беларусі.
Па словах старшыні Мінскай гарадской арганізацыі прафсаюзаў работнікаў гандлю Аляксея Кулібабы, праца па стварэнні прафсаюза ў "Макдональдсе" ішла больш за дзесяць гадоў.
У выніку ў прафсаюз уступілі ажно сем чалавек.
Для параўнання: цяпер у Беларусі "МакДональдс" мае 25 рэстаранаў хуткага харчавання, у іх працуюць каля 2 тысяч чалавек.
