Футбаліст Дзмітрый Сычоў атрымаў траўму на трэніроўцы мінскага "Дынама"
Клубныя лекары прагназуюць, што аднаўленне зойме ад двух да чатырох тыдняў.
Новую траўму Сычова можна назваць рэцыдывам. Як нагадвае БЕЛТА, нядаўна спартовец аднавіўся пасля траўмы цягліцы левага сцягна, атрыманай у сярэдзіне сакавіка. Толькі напрыканцы красавіка нападнік аднавіў трэніроўкі. На апошнім занятку Сычоў атрымаў траўму задняй групы цягліц.
Расійскі нападнік быў аддадзены маскоўскім "Лакаматывам" у арэнду мінскаму "Дынама" сёлета ў траўні. Сярод мінчукоў Сычоў прабудзе да сярэдзіны ліпеня.
Фота — radikal.cc
