Футбольная зборная Беларусі паднялася ў рэйтынгу на 3 пазіцыі
Неўзабаве каманду Хацкевіча чакае гасцявы таварыскі матч са зборнай Расіі і хатняя гульня адбору на Еўра-2016 з іспанцамі.
Футбольная зборная Беларусі паднялася ў рэйтынгу FIFA на 3 пазіцыі. Цяпер наша каманда займае 80-е месца, у яе 400 ачкоў. Побач з беларусамі ў рэйтынгу кітайцы, фіны, латышы і футбалісты Мазамбіка.
Лідыруюць у рэйтынгу футбалісты зборнай Нямеччыны — 1775 ачкоў, на другім месцы Бельгія — 1509, трэцяе займаюць аргенцінцы — 1496 ачкоў. Іспанія толькі на 10-й пазіцыі.
Нагадаем, беларуская зборная рыхтуецца да хатняга паядынку адбору на Еўра-2016 з іспанцамі, які пройдзе 14 чэрвеня на "Барысаў-Арэне". А 7 чэрвеня зборныя Беларусі і Расіі правядуць у Хімках таварыскі матч.
На матч футбольных зборных Беларусі і Іспаніі прадалі 6000 білетаў
