Футбольная зборная Беларусі ў рэйтынгу FIFA займае 78-е месца
Футбольная зборная Беларусі ў рэйтынгу FIFA займае 78-е месца. Яго абноўлены варыянт быў апублікаваны 2 чэрвеня. За месяц наша каманда правяла два таварыскія матчы, адзін выйграла (2:1 — у Ірландыі), а адзін прайграла (0:3 — Паўночнай Ірландыі), у рэйтынгу апусцілася на адзін радок. У зборнай Беларусі 442 ачкі, наша зборная знаходзіцца паміж Венесуэлай і Замбіяй.
Першая дзясятка рэйтынгу наступная: Аргентына (1503), Бельгія (1384), Калумбія (1328), Нямеччына (1310), Чылі (1293), Іспанія (1267), Бразілія (1257), Партугалія (1181), Уругвай (1150), Аўстрыя (1077).
