Галкіпера футбольнай зборнай Італіі збілі і абрабавалі на 500 тысяч еўра

Галкіпера футбольнай зборнай Італіі і ПСЖ збілі і абрабавалі на 500 тысяч еўра. У дом Джанлуіджы Донарумы ў прэстыжным раёне Парыжы зламыснікі ўварваліся ў ноч на 21 ліпеня. Яны збілі гаспадара і яго дзяўчыну, а пасля звязалі іх. Забралі з сабой каштоўнасці, якія змаглі знайсці, піша corriere.it.

Праз некалькі гадзін Джанлуіджы Донарума змог вызваліцца. Разам з дзяўчынай ён дайшоў да аднаго з бліжэйшых гатэляў, на месца выклікалі паліцыю. Пацярпелых завезлі ў бальніцу. Выданне адзначае, што брамнік "злёгку паранены", а яго нявеста "выглядае цэлай".

Вядома, што Донарума толькі вярнуўся з ЗША.