Гомельскага пастара будуць судзіць за несанкцыянаванае хрышчэнне

28/07/2022 - 08:00

Пастара гомельскай царквы хрысціян поўнага Евангелля "Жывая вера" Дзмітрыя Падлобку будуць судзіць за "несанкцыянаванае масавае мерапрыемства". Нагодай для гэтага стала хрышчэнне, якое правёў пастар.

"28 ліпеня 2022 года да 9:00 ён запрошаны ў міліцэйскі ўчастак для пратакола і далейшага суда за правядзенне воднага хрышчэння без належнага на тое дазволу. Артыкул, па якім абвінавачваюць, 24.23 КаАП, і гэта паўторнае прыцягванне", — напісаў у сваім тэлеграм-канале пастар мінскай царквы "Новае Жыццё" Вячаслаў Ганчарэнка. Ён заклікаў маліцца за гомельскага пастара.

Гомельская пратэстанцкая царква "Жывая вера" заснаваная ў 1997 годзе. Яна ўваходзіць у склад Рэспубліканскага аб'яднання супольнасцяў хрысціян поўнага Евангелля ў Беларусі. Япіскапам гэтага аб'яднання з'яўляецца Ганчарэнка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.