Хакейны клуб "Шахцёр" упершыню стаў чэмпіёнам Беларусі
Салігорская каманда 25 сакавіка выйграла ў сталічнага "Юнацтва" матч з лікам 3:1. Лік у серыі стаў 4:0 на карысць "гарнякоў".
25 сакавіка салігорскі "Шахцёр" абыграў мінскае "Юнацтва" з лікам 3:1 (0:1, 2:0, 1:0) і ўпершыню стаў чэмпіёнам Беларусі па хакеі.
Такім чынам, "гарнякі" выйгралі фінальную серыю ў "Юнацтва" з лікам 4:0. 20 і 21 сакавіка ў сябе дома "Шахцёр" перамог сталічную каманду 4:3 і 4:1. А 24 сакавіка салігорскі клуб адолеў "Юнацтва" ў гасцях — 5:1.
Такім чынам, "Шахцёр" атрымаў золата чэмпіянату, "Юнацтва" другі год запар заваявала срэбра. У мінулым сезоне чэмпіёнам краіны стаў гродзенскі "Нёман".
Фота — hockey.by
