Хлопец Вікторыі Азаранка дэбютаваў у беларускай НХЛ
![Хлопец Вікторыі Азаранка дэбютаваў у беларускай НХЛ](/sites/default/files/styles/gallery_main/public/2023-08/boyfrend_azarenko.jpg.webp?itok=ukTAhKSQ)
Амерыканец Уільям Маккег, які сустракаецца з беларускай тэнісісткай Вікторыяй Азаранка, пачаў гуляць у хакей у Мінску. Хлопец папоўніў склад аматарскай каманды "Цмокі", якая выступае ў Начной хакейнай лізе.
Уільям (ці проста Біл, як яго называюць партнёры па камандзе) абраў сабе нумар 8 і гуляе на пазіцыі форварда, піша TUT.by. Маккег — не дылетант у хакеі, але прафесійную кар'еру не зрабіў праз траўму. Трэнер "Цмокаў" Зміцер Луцэвіч упэўнены: Біл мог бы гуляць не толькі ў аматарскай, але і ў Вышэйшай лізе мінскай НХЛ:
"Калі мы запрашалі яго ў аматарскую лігу, не ведалі яго ўзроўню майстэрства. Ён сказаў, што два ці тры гады не стаяў на каньках, таму заявілі яго ў каманду Першай лігі. Але ў працэсе стала відавочна, што Біл — гулец ўзроўню Вышэйшай лігі аматарскага чэмпіянату. Часам ён трэніруецца з камандай "Газпрамнафта" — чэмпіёнам сезона 2015/2016 Вышэйшай лігі — і нават гуляе з імі ў таварыскіх матчах".
Хаця бойфрэнд Вікторыі Азаранка і жыве на два кантыненты, пакуль што ён не прапусціў ніводнай мінскай трэніроўкі сваёй каманды.
![Хлопец Вікторыі Азаранка дэбютаваў у беларускай НХЛ](/sites/default/files/paragraphs/image/boyfrendazarenko2.jpg)