Кевіна Спэйсі апраўдалі па ўсіх абвінавачаннях у сексуальных дамаганнях
![Кевін Спэйсі / EPA](/sites/default/files/styles/gallery_main/public/2023-07/3b68f960-2bbe-11ee-84fe-bd718738f15b.jpg.webp?itok=CNPeQjSA)
Кевін Спэйсі / EPA
Аскараноснага актора Кевіна Спэйсі прызналі невінаватым паводле абвінавачання ў дзевяці злачынствах на сексуальнай глебе, піша ВВС. У час абвяшчэння прысуду ў лонданскім судзе ён плакаў на лаве падсудных.
Працэс у Лондане — трэцяя справа супраць Спэйсі, якая дайшла да суда. Першыя дзве ён таксама выйграў.
“Я мяркую, што многія з вас могуць зразумець: мне трэба шмат чаго абдумаць пасля таго, што толькі што адбылося. Але я хацеў бы сказаць, што я надзвычай удзячны прысяжным за тое, што яны знайшлі час, каб старанна вывучыць усе доказы і ўсе факты, перш чым яны вынесуць сваё рашэнне", — сказаў акцёр.
Усе эпізоды, па якіх абвінавачваўся Спэйсі, адбываліся паміж 2001-2013 гадамі. Падчас слуханняў па справе Спэйсі адмаўляў, што выкарыстоўваў сваю ўладу, каб зацягнуць істцоў у ложак, і назваў абвінавачанні "ударам у спіну". Паводле яго словаў, усе дзеянні паміж ім і абвінаваўцамі здзяйсняліся па ўзаемнай згодзе, у іх не было гвалту.
Усе істцы — ім зараз ад 30 да 40 гадоў — па законе маюць права на пажыццёвую ананімнасць.
Цяпер Спэйсі зможа вярнуцца да сваёй акцёрскай кар'еры. Аднак некаторыя аглядальнікі папулярных амерыканскіх выданняў адзначаюць, што каб вярнуцца да працы ў ЗША, яму трэба пераканаць у сваёй невінаватасці не толькі прысяжных, але і грамадскае меркаванне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.