Кіраўніца Еўракамісіі: пуцінская Расія выступае за варварства і тэрор
Кая Калас і Урсула фон дэр Ляен / twitter.com/vonderleyen
Кіраўніца Еўракамісіі Урсула фон дэр Ляен і прэм'ер-міністр Эстоніі Кая Калас у панядзелак запісалі сумесны відэазварот з нагоды расійскіх ракетных удараў па Украіне. Яны ў той момант знаходзіліся каля эстонска-расійскай мяжы.
Урсула фон дэр Ляен кажа, што шакаваная і абураная расійскімі ракетнымі ўдарамі: "Пуцінская Расія яшчэ рэз прадэманстравала свету, за што яна выступае — за варварства і тэрор. Для адказных за гэта павінны быць наступствы... Я ведаю, што ўкраінцаў гэтым не запалохаць. І ўкраінцы ведаюць, што мы будзем побач — столькі, колькі будзе неабходна".
Кая Калас адзначыла, што Украіне найперш патрэбныя сродкі супрацьпаветранай абароны, якія ёй трэба перадаць: "Таму што Расія відавочна пачала эскалацыю і б'е па грамадзянскім".
Shocked and appalled by the vicious attacks on Ukrainian cities.
— Ursula von der Leyen (@vonderleyen) October 10, 2022
Putin’s Russia has again shown the world what it stands for: brutality and terror.
I know that Ukrainians will stay strong.
We will stand with Ukraine for as long as it takes, with all the means we have. pic.twitter.com/Q9wgh62nzF
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.