Крывец: Я гатовы гуляць за зборную, але чаму не бяруць — пытанне да трэнера

Лепшы бамбардзір чэмпіянату Беларусі па футболе Сяргей Крывец зноў не трапіў у склад нацыянальнай зборнай. У сёлетнім першынстве краіны паўабаронца барысаўскага БАТЭ забіў 11 галоў і аддаў 6 галявых перадач Яшчэ ў чэрвені Крывец гуляў за "маладзёжку" на чэмпіянаце Еўропы, але цяпер туды ён не трапляе з-за ўзросту. А вось для Бернда Штанге дасягненні паўабаронцы БАТЭ застаюцца незаўважнымі.

“Па-мойму, гэта пытанне не да мяне. У мяне, вядома, вялізнае жаданне гуляць за нацыянальную каманду. Але склад вырашае галоўны трэнер”, — пракаментаваў Еўрарадыё Сяргей Крывец.



Адзначым, што Бернд Штанге на бліжэйшыя матчы з Харватыяй і Украінай назваў 22 футбалістаў. Сярод іх ёсць, напрыклад, Віталь Кутузаў, які з-за перабору жоўтых картак першы матч прапусціць. Таксама трэнер выклікаў з Кітая Вячаслава Глеба. У астатнім склад каманды ў параўнанні з мінулым матчам не змяніўся.


Фота — novosti.err.ee