Лідара Аб'яднанай грамадзянскай партыі затрымалі маёр і падпалкоўнік (фота)
Анатоль Лябедзька ў сераду ў Бабруйску размаўляў з рабочымі каля прахадной "Белшыны".
Там апазіцыянера і затрымалі міліцыянты разам з старшынёй Бабруйскай гарадской арганізацыі АГП Віктарам Бузінаевым. Як паведамляе прэс-служба Аб'яднанай грамадзянскай партыі, праваахоўнікі ў рангах маёра і падпалкоўніка вырашылі "высветліць асобы" згаданых людзей. Сувязь з Лябедзькам і Бузінаевым адсутнічае.
Вядома, што лідар АГП Анатоль Лябедзька планаваў прыняць удзел у Круглым стале па пытаннях адукацыі, які мусіў прайсці ў Бабруйску ў партыйным офісе.
Фота — rastaev.livejournal.com
