Лукашэнка абвясціў вымову кіраўнікам Віцебскай і Магілёўскай абласцей
Аляксандр Лукашэнка абвясціў вымовы старшыні Віцебскага аблвыканкама Мікалаю Шарстнёву і старшыні Магілёўскага аблвыканкама Уладзіміру Даманеўскаму. Паводле інфармацыі БЕЛТА, чыноўнікі атрымалі вымову за "незабеспячэнне выканання даручэння прэзідэнта Беларусі аб своечасовай выплаце заработнай платы".
Між тым, заробкі ў Віцебскай і Магілёўскай абласцях — самыя нізкія па краіне.
Затрымкі па выплаце заробкаў, як паведамляла Еўрарадыё, часам цягнуцца месяцамі.
У Міністэрстве працы журналістам Еўрарадыё распавялі, што сёння ў краіне 192 прадпрыемствы, якія парушылі тэрміны ці парадак выплаты заробкаў. Амаль палова з іх (84) знаходзяцца ў Віцебскай вобласці.
