Лукашэнка на саміце распавёў пра цану суверэнітэта (відэа)
У чацвер у Мінску ў Палацы Незалежнасці праходзіць паседжанне Вышэйшага Еўразійскага эканамічнага савета ў вузкім складзе.
Найперш абмяркоўваецца праект дамовы аб Еўразійскім эканамічным саюзе.
Аляксандр Лукашэнка ў сваім выступе адзначыў, што не трэба баяцца перадачы дадатковых паўнамоцтваў у Мытным саюзе на наднацыянальны ўзровень. "Суверэнітэт — не ікона, — цытуе словы кіраўніка Беларусі БЕЛТА. — Усё мае свой кошт. І калі мы хочам жыць лепш, то трэба нечым ахвяраваць. Галоўнае — гэта дабрабыт людзей".
Лукашэнка падкрэсліў, што ствараецца не міждзяржаўнае аб'яднанне (гаворка пра Еўразійскую эканамічную камісію — Еўрарадыё), а "сумесны орган дзяржаўнага кіравання, які мусіць прымаць рашэнні штодня". Кіраўнік дзяржавы заклікаў "выпрацаваць узаемавыгадны механізм на падставе кампрамісаў".
