Лукашэнка пагражае адправіць прэм'ера на завод дрэваапрацоўкі

Аляксандр Лукашэнка даручыў Адміністрацыі прэзідэнта разам з Камітэтам дзяржкантролю падрыхтаваць нарматыўна-прававы акт, у якім будуць вызначаныя канчатковыя тэрміны мадэрнізацыі ўсіх прадпрыемстваў дрэваапрацоўчай прамысловасці.

Па словах кіраўніка дзяржавы, якія перадае БЕЛТА, хутчэй за ўсё, гэта будзе дэкрэт. У ім будзе прадугледжвацца крымінальная адказнасць за парушэнне тэрмінаў мадэрнізацыі.

Старшыня канцэрну "Беллеспаперпрам" Юрый Назараў паскардзіўся, што неабходна мяняць шэраг кіраўнікоў прадпрыемстваў, аднак складана знайсці ахвочых там працаваць. Лукашэнка ў адказ прапанаваў накіраваць на прадпрыемствы работнікаў канцэрна: "І хай яны імідж паправяць! Потым, не выключана, што і Мясніковіча з Сямашкам. Досвед-то ёсць ужо. А калі ў іх будзе ўсё нармальна, вернем назад ва ўрад".

У сваю чаргу старшыня Камітэта дзяржкантролю Аляксандр Якабсон адзначыў, што практычна ўсе базавыя арганізацыі канцэрна "Беллеспаперапрам" маюць складанае фінансавае становішча і недахоп абаротных сродкаў, а сем з дзевяці базавых арганізацый стратныя. І гэта нягледзячы на ​​маштабную дзяржаўную падтрымку, якая склала за апошнія 6 гадоў больш за 240 мільёнаў еўра.

Якабсон адзначыў, што кадры ў галіне апынуліся не гатовыя да правядзення маштабнай мадэрнізацыі і былі няздольныя суправаджаць буйныя будаўнічыя праекты. Паводле яго слоў, пра гэта сведчыць шматлікая змена кіраўнікоў прадпрыемстваў. На асобных з іх у перыяд правядзення мадэрнізацыі дырэктары мяняліся 4 разы, пры гэтым кожны з іх бачыў мадэрнізацыю па-свойму.

Фота — ctv.by