Магілёвец просіць зняць з перадвыбарчай гонкі Аляксандра Лукашэнку

Магілёўскі актывіст Аляксей Паўлоўскі хоча, каб з выбарчай гонкі знялі Аляксандра Лукашэнку. Ён накіраваў заявы ў ЦВК і Генпракуратуру.

Падчас збору подпісаў у падтрымку прэтэндэнта ў прэзідэнты Анатоля Лябедзькі грамадскі актывіст даведаўся, што на дзяржпрадпрыемствах грамадзян пад пагрозай скасавання кантрактаў прымушалі паставіць подпісы ў падтрымку Аляксандра Лукашэнкі.

У прыватнасці, такія факты, як заяўляе Паўлоўскі са словаў грамадзян, мелі месца ў Магілёўскім гарвыканкаме, аўтазаводзе імя Кірава, заводах “Хімвалакно”, “Магілёўліфтмаш”, "Электрарухавік”, сацыяльных установах горада.

У сваёй скарзе Паўлоўскі просіць адклікаць незаконна сабраныя подпісы, вынесці папярэджанні ініцыятыўнай групе Лукашэнкі і зняць прэтэндэнта з перадвыбарчай гонкі.

Фота: tvc.ru