Матч Беларусь — Андора пакажуць на вялікім экране ў цэнтры Гродна

Адборачны матч чэмпіянату свету па футболе Беларусь — Андора гродзенцы змогуць паглядзець не толькі на стадыёне "Нёман", але і на вялікім экране ў цэнтры горада — на Савецкай плошчы.
Гродзенскі стадыён разлічаны на 8,5 тыс. месцаў, а ўсе білеты на матч даўно прадалі. Футбалісты зборнай Беларусі прыедуць у Гродна ўжо сёння.

Як адзначае БЕЛТА, увечары ў пятніцу на стадыёне "Нёман" пройдзе адкрытая трэніроўка, на якой змогуць прысутнічаць усе жадаючыя.