Мікалай Карполь стане трэнерам жаночай зборнай Беларусі па валейболе
У жаночай зборнай Беларусі па валейболе чакаецца ракіроўка. Па звестках "Прессбола", неўзабаве каманду ўзначаліць наш легендарны суайчыннік Мікалай Карполь. 71-гадовы спецыяліст быў блізкі да гэтага і два гады таму, але тады так і не стаў пераемнікам Уладзіміра Казлова. Цяпер пытанне вырашаецца зноў — на ўзроўні старшыні Беларускай федэрацыі валейболу Барыса Батуры. Выканаўчы дырэктар федэрацыі Аляксандр Багрынцаў паведаміў, што пакуль што ідуць перамовы.
