Мінздароўя лічыць, што моцны алкаголь мусіць каштаваць даражэй
Моцны алкаголь павінен каштаваць даражэй. Такое меркаванне выказаў галоўны нарколаг Міністэрства аховы здароўя Беларусі Іван Канаразаў. Паводле яго слоў, гэтая мера магла б спрыяць скарачэнню колькасці алказалежных. А іх налічваецца каля 160 тысяч чалавек.
Пры гэтым многія людзі не звяртаюцца да медыкаў па дапамогу, бо баяцца, што іх паставяць на ўлік. Канаразаў адзначае, што калі чалавек сам жадае прайсці лячэнне, яго на ўлік не паставяць, інфармуе БЕЛТА.
