Міністэрства аховы здароўя скараціла тэрміны пуцёвак у санаторыі

Міністэрства аховы здароўя перагледзела тэрміны санаторна-курортнага лячэння і аздараўлення насельніцтва, якое ажыццяўляецца з дзяржпадтрымкай. Тэкст пастановы з'явіўся на Нацыянальным прававым інтэрнэт-партале.

Ільготную пуцёўку ў санаторый цяпер можна будзе атрымаць на тэрмін не большы чым 15 дзён. Раней было 18. На тры дні скарацілі і тэрмін знаходжання ў дзіцячых санаторыя — з 21 да 18.  

Сярэдні кошт пуцёўкі ў дзіцячы санаторый сёлета складае 692 рублі, але бацькі плацяць толькі невялікую частку, казаў у траўні дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.