Міністр юстыцыі выказаўся пра беларусаў у крымскіх турмах
Алег Сліжэўскі адказваў на пытанні чытачоў урадавай газеты "Рэспубліка".
Як вядома, пасля анэксіі Крыма Расіяй ёй дасталіся і зняволеныя ў турмах, людзі, асуджаныя паводле ўкраінскага заканадаўства за злачынствы, здзейсненыя на тэрыторыі Украіны. Раней меркавалася, што іх могуць перадаць з Крыма ва ўкраінскія турмы, але пакуль рашэнне не прынятае. Сярод гэтых зняволеных ёсць чацвёра грамадзян Беларусі.
Алег Сліжэўскі кажа, што праблема павінна быць вырашаная "кампетэнтнымі органамі Расійскай Федэрацыі і Украіны". Тым не менш, лёсам беларускіх зняволеных у Крыме мусіць займацца і Міністэрства замежных спраў Беларусі разам з МУС і іншымі кампетэнтнымі органамі.
