Мінкульт абяцае кастынг артыстаў на "Славянскі базар" і "Купалле ў Александрыі"
Не ўсе ахвочыя артысты змогуць трапіць на фестывалі "Славянскі базар у Віцебску" і "Купалле ў Александрыі". Пра гэта заявіў міністр культуры Анатоль Маркевіч у эфіры тэлеканала СТБ.
Па яго словах, удзел у гэтых фэстах — вялікі гонар. Таму будзе арганізаваны кастынг: "На падобныя маштабныя, грандыёзныя мерапрыемствы, якія праходзяць і ў Александрыі, і ў Віцебску ў рамках "Славянскага базару", трапіць вялікі гонар. І мы яшчэ падумаем".
Чыноўнік дадаў, што сёлета купальскі фэст у Александрыі пройдзе ў новым фармаце. "Збярэм лепшыя традыцыі нашай беларускай зямлі, інтэрактыў будзе прысутнічаць, вядома ж, каб розныя рэгіёны нашай краіны былі ўцягнутыя", — патлумачыў ён.
Таксама, па яго словах, змены адбудуцца і ў правядзенні "Славянскага базару".
