Мінпрыроды: Парк вакол Мірскага замка на мяжы знішчэння
Унікальны парк XVI стагоддзя вакол Мірскага замка знаходзіцца ў крытычным стане. Помнік прыроды ператварыўся ў звычайны сквер, а большасць відаў дрэў прывозілі сюды яшчэ Радзівілы, перадае АНТ.
Ужо не адзін месяц тэрыторыя вакол Мірскага замка — адна вялікая будоўля. Ідзе рэканструкцыя, як высветлілася, з парушэннем зямельнага грунту, падпілоўваннем дрэў. І усё гэта без ведама Мінпрыроды.
Пра тое, што парк на мяжы знішчэння, у Міністэрстве даведаліся выпадкова, калі прыйшоў ліст з просьбай дазволіць высечку старых дрэў.
Спецыялісты прыбылі на месца ацаніць іх стан. І тады высветліліся маштабы разбурэнняў. Чаму заказчык не ўзгадніў з Міністэрствам прыродных рэсурсаў план рэканструкцыі парка, яшчэ давядзецца высветліць.
Нагадаем, праблема знішчэння старажытнага парка вакол Мірскага замка ўздымаецца беларускімі гісторыкамі ўжо не першы год. Аднак дагэтуль улады ігнаравалі падобныя звароты.
Ужо не адзін месяц тэрыторыя вакол Мірскага замка — адна вялікая будоўля. Ідзе рэканструкцыя, як высветлілася, з парушэннем зямельнага грунту, падпілоўваннем дрэў. І усё гэта без ведама Мінпрыроды.
Пра тое, што парк на мяжы знішчэння, у Міністэрстве даведаліся выпадкова, калі прыйшоў ліст з просьбай дазволіць высечку старых дрэў.
Спецыялісты прыбылі на месца ацаніць іх стан. І тады высветліліся маштабы разбурэнняў. Чаму заказчык не ўзгадніў з Міністэрствам прыродных рэсурсаў план рэканструкцыі парка, яшчэ давядзецца высветліць.
Нагадаем, праблема знішчэння старажытнага парка вакол Мірскага замка ўздымаецца беларускімі гісторыкамі ўжо не першы год. Аднак дагэтуль улады ігнаравалі падобныя звароты.
