Мінская кватэра загарэлася ад кінутага недакурка
2 траўня ў 17.36 мінскія ратавальнікі атрымалі паведамленне пра пажар на балконе трэцяга паверха ў жылым доме па вуліцы Славінскага.
Прыбыўшы на месца здарэння, супрацоўнікі МНС убачылі дым на балконе на трэцім паверсе. Выявілася, што загарэлася маёмасць на балконе і ў жылым пакоі. Пажар быў ліквідаваны ў 17.53. Эвакуацыя жыхароў не спатрэбілася.
Агонь пашкодзіў маёмасць у кватэры. Таксама пашкоджаная ашалёўка балкона ў кватэры, размешчанай вышэй. Пацярпелых няма.
Мяркуецца, што прычынай пажару стаў недакурак, кінуты з вышэйшага паверха. Вінаватая асоба высвятляецца.
