Мінскія ўлады вырашылі змагацца з незаконнай рэкламай на асфальце
У Мінску хочуць ліквідаваць незаконную рэкламу на асфальце. Гэтае пытанне абмяркоўвалася 26 кастрычніка на нарадзе ў Мінгарвыканкаме, інфармуе БЕЛТА.
Пра наяўнасць такой праблемы паведаміла начальнік упраўлення гандлю і паслуг сталічнага гарвыканкама Ніна Емяльянава. Па яе словах, усё часцей у Мінску распаўсюджваюцца наземныя рэкламныя пано. На тратуарах і пляцоўках перад сацыяльна-культурнымі і гандлёвымі аб'ектамі з'яўляюцца рэкламныя аб'явы, нанесеныя фарбай па трафарэце. Гэта з'яўляецца парушэннем заканадаўства і псуе эстэтычны выгляд вуліц.
Старшыня Мінгарвыканкама Андрэй Шорац падтрымаў чыноўніцу. Ён лічыць, што такія няўзгодненыя рэкламныя аб'явы трэба выдаляць. Тых, хто наносіць такую рэкламу, Шорац прапанаваў прыцягваць да адказнасці.
Фота: onliner.by
