На Беларусь набліжаецца чарговы цыклон
Ураганы могуць вярнуцца ў Беларусь
Па прагнозах сіноптыкаў, цыклон можа накрыць Беларусь у панядзелак, 29 ліпеня. Паводле папярэдніх звестак, дзённая тэмператур паветра ў шэрагу рэгіёнаў апусціцца да +16°С, а парывы ветру могуць дасягаць 22 м/с.
Набліжэнне цыклону пачне адчувацца ўжо ў нядзелю. Павялічыцца і ўшчыльніцца воблачнасць, кароткачасовыя дажджы пройдуць на большай частцы краіны, месцамі з навальніцамі. Верагодна ўзмацненне ветра да 20 м/с.
На сёння з-за навальніц у Беларусі аб'яўлены жоўты ўзровень небяспекі.
