На Кальварыйскай па людзях адкрылі агонь, параненая журналістка "Наша Нівы"
![На Кальварыйскай па людзях адкрылі агонь, параненая журналістка "Наша Нівы"](/sites/default/files/styles/gallery_main/public/2023-08/kalvar-1008.jpg.webp?itok=XMBPrr0t)
На вуліцы Кальварыйскай у Мінску па дэманстрантах адкрылі агонь, піша ў Telegram-канале "Наша Ніва". Пры гэтым была параненая журналістка НН Наталля Лубнеўская, яе забрала "хуткая дапамога". Паведамляецца, што агонь адкрылі людзі ў форме колеру хакі з моста на вуліцы Кальварыйскай.
Барыс Гарэцкі з БАЖ піша, куля гумовая.
Іншыя Telegram-каналы паведамляюць, што ў тым раёне чуваць выбухі — верагодна, сілавікі зноў выкарыстоўваюць святлошумавыя гранаты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.