На мяжы ў Каменным Логу грузавікі стаяць па 13 гадзінаў
Мытны камітэт просіць кіроўцаў скарыстацца іншымі пунктамі пропуску.
На беларуска-літоўскай мяжы ў пункце пропуску “Каменны Лог” стаяць вялізныя чэргі грузавікоў — як на выезд з Беларусі, так і на ўезд. Чарга складае болей за 400 машын, якія чакаюць па 13 гадзінаў.
Як патлумачылі Еўрарадыё ў прэс-службе Дзяржаўнага мытнага камітэт, чарга ўтварылася з-за ўвядзення ў Беларусі вясновых восевых нагрузак для грузавікоў. Разам з тым, з 27 сакавіка абмежаванні восевых нагрузак былі адмененыя датэрмінова.
Мытныя органы Беларусі рэкамендуюць кіроўцам і афіцыйным прадстаўнікам грузаперавозчыкаў выкарыстоўваць іншы пункт пропуску — “Катлоўка”, дзе зараз няма чаргі.
