На Прыпяці, дзе часова развялі пантонную пераправу, стаяць пункты абагрэву
![На Прыпяці, дзе часова развялі пантонную пераправу, стаяць пункты абагрэву](/sites/default/files/styles/gallery_main/public/2023-08/prypiac-1701.jpg.webp?itok=EVasfy_5)
На берагах Прыпяці, дзе часова развялі пантонную пераправу, абсталявалі пункты абагрэву, паведамляе Гомельскае абласное ўпраўленне МНС.
З-за высокай інтэнсіўнасці шугі пантонна-маставая пераправа праз Прыпяць часова развялі. Ратавальнікі перавозяць людзей з аднаго берага на другі на катэрах.
На берагах пастаўленыя пункты абагрэву: з боку Турава — намёт, на другім беразе — металічны вагончык.
Ратавальнікі паведамляюць, што з 8.00 16 студзеня да 6.00 17 студзеня яны перавезлі на катэры 776 чалавек, з іх 55 дзяцей, а таксама 530 кг грузу.
Як паведамлялася раней, мост праз Прыпяць у Жыткавіцкім раёне быў закрыты для руху, бо на ім выявілі расколіну. Для пераправы людзей і грузаў праз раку быў арганізаваны пантонны мост. Але ў ноч на 14 студзеня з-за рэзкай змены ўмоваў надвор'я мацаванне пантоннага моста было сарванае. Аднавіць яго плануецца пасля таго, як пройдзе шуга.