Нацбанк не плануе зніжаць стаўку рэфінансавання ў жніўні
З пачатку года стаўка паніжалася 4 разы. Апошні раз у чэрвені — да бягучага значэння 23,5%.
У Нацбанку тлумачаць, што ўтрыманне на гэтай планцы дазволіла збіць попыт насельніцтва на замежную валюту. Пры гэтым Нацыянальны банк не адмаўляецца ад планаў па паніжэнні да канца года стаўкі рэфінансавання да 13-15% гадавых пры "наяўнасці адпаведных умоў у эканоміцы", адзначае Першы тэлеканал.
Нагадаем, ад велічыні стаўкі рэфінансавання залежыць, у прыватнасці, велічыня працэнтных ставак па крэдытах, якія камерцыйныя банкі прадастаўляюць фізічным і юрыдычным асобам.
Фота — bymedia.net
